ساعدوني: انا فتاة متزوجة وزوجي خانني ماذا أفعل؟

انا سوف احكي لكم قصة صديقتي:

هي متزوجة من كذا سنة كانت خلالها نعم الزوجة و لو اقارن بينهم يتضح لي انها احسن منه في اشياء كثيرة هي اجمل منه مستواها العلمي احسن منه بكثير ملتزمة خلوقة جدا جدا اصغر منه يمكن بثمان او تسع سنوات تقدر اهله و من النوع الي ما تحب الكلام و القيل و القال و مسالمة جدا حافظة بيته و مربيه اولادة خير تربية و الشهادة لله بناتها و اولادها مميزين بين ابناء اخوانه كلهم بالادب و الستر و الصلاح و الشطارة في المدرسة و الفضل لله ثم لها .

تفانت في الحفاظ على بيته و اولاده و هو عارف هالشي و ان الفضل لله ثم لها و غير كذا في بداية حياته كان راتبة جدا ضعيف بحكم مستواه التعليمي و هي ما شاء الله وظيفتها مرموقة لان مستواها العلمي عالي جدا عمرها ما قصرت على بيتها تصرف على كل شي و خاصة انه بالاول كان عليه التزامات شوي شوي بدا يشيل يده من الصرف و ما فرق معاها كثرت سفراته و عمرها ما نكدت عليه لان العايلة كلهم هذا طبعها ... تستقبله احسن استقبال و نيتها صافية و رجال العايلة كلهم يحسدونة لان الغير حريمهم يتهاوشون معاهم و لا يسافر الرجال الا و هو متنكد ..

 المهم مرت السنين و مالاحظت انه متغير بس ميزته ما يهديها اقل شي مع انه ترقى في وظيفته و صار راتبة زين ياختصار يستخسر فيها القرش مع انها تصرف الكثير و الكثير عليه و على بيته و عيالة و تهديه بمناسبة و بدون مناسبة و هو ما يستحي و لا تنكسر عينه مع انها تلمح لكن ما فيه حيا المهم جا ذاك اليوم الي بلغها انه تزوج .... بلعت الصدمة و حددت موقفها و الي تبيه منه .. قالت له ابي الطلاق بس بدون ما نطلق في المحكمة و لو ما نفذت بارفع عليك قضيه و تطلقني طلاق شرعي .. يعني انفصال كامل بس عن الحلال و الحرام ما طلبت الطلاق الرسمي و عشان ما تحرم اولادة من و حتى الكلام قالت له كلامنا رسمي بس عن العيال و ما يخصهم و اذا حاولت تتقرب لي او حتى تلمسني على المحكمة على طول و يصير الطلاق و نفترق للابد ...

طبعا هو يبي يرجع علاقته بها نفس قبل مع العلم انه من النوع الي كان يحترمها يعني مش من النوع الي قليل ادب معاها المهم هي بدات بغرفة النوم شالت كل شي حذفت ملابسه في غرفة اولادة و خلت الغرفة لها بس و فرشتها فرش رووووووووعة و حطت سرير لشخص واحد (طردة ) و قالت له انا متنازلة عن ليلتي لاولادي يعني يوم هناك و يوم هنا عندي بس تقضي يومي لعيالي طبعا ما تصرف ريال واحد خلاص ( ليتها سوت هالشي من زمان ) المهم الحين هو ميت عليها و يحاول يتقرب منها لكن هي صادته و حتى ما تشوفه بعيونها ... انا معورة قلبي و لا اعرف ايش اقول لها و لا بايش انصحها ... هي على قد ما تفانت في خدمته و اخلصت له على قد ما هي عايفته الحين و علمتة ان خلاص ما له شغل فيها يعني تروح تجي ما تاخذ اذنه على اساس انهم منفصلين ... انتوا شرايكم ؟؟؟